پٹنہ میں سوموار کو ایک دل دہلا دینے والا معاملہ سامنے آیا ہے۔ پٹنہ ریلوے اسٹیشن پر آر آر آئی کے عہدے پر تعینات اتُل لال نے اپنی اہلیہ کا بلیڈ سے قتل کرنے کے بعد خود بلڈنگ سے چھلانگ لگا کر خودکشی کر لی۔
جانکاری کے مطابق اتل لال کی اہلیہ تُلیکا لال گزشتہ 6-5 دنوں سے کورونا متاثر تھیں۔ جب سے وہ کورونا متاثر ہوئی تھی اس وقت سے میاں بیوی کے درمیان اکثر نوک جھونک ہوتی رہتی تھی۔ خدشہ ظاہر کیا جارہا ہے کہ سوموار کو جھگڑے کی وجہ سے ہی اتل لال نے اس طرح کا قدم اٹھایا۔
پٹنہ کے پترکار نگر تھانہ حلقہ کے منا چکر علاقے کے پاورتی روڈ کے نزدیک موجود اوم ریسیڈنسی اپارٹمنٹ کے چوتھی منزل سے کود کر اتُل لال نے زندگی ختم کر لی۔ اتُل نے خودکشی کرنے سے پہلے اہلیہ کا قتل کسی اسلحہ یا بلیڈ سے کردیا تھا۔ اس پورے واردات کے چشم دید اتُل لال کے بچے ہیں۔ بچوں نے سوموار کی صبح امی ابو کے درمیان نوک جھوک ہوتے ہوئے دیکھا تھا۔
دراصل اتُل لال اور اس کی اہلیہ تُلیکا لال کے درمیان سوموار کی صبح تو تو میں میں ہورہا تھا، اسی دوران اتل نے گھر میں رکھے اسلحہ سے اپنی بیوی کے گلے اور کان پر حملہ کر دیا۔ اس سے بستر پر بیٹھی تُلیکا بے ہوش ہوکر گر گئی۔
موقع پر موجود اتُل کے بچوں نے جب اپنی ماں کو بچانے کی کوشش تب تک تُلیکا کی موت ہوچکی تھی۔ اتل لال نے بھی چوتھی منزل سے کود کر خودکشی کر لی۔
اپارٹمنٹ کے گارڈ نے بتایا کہ اتُل لال پورے پریوار کے ساتھ تین چار سالوں سے یہاں رہ رہے تھے۔ تُلیکا گزشتہ پانچ چھ دنوں سے کورونا متاثر تھیں۔
قتل کے بعد سوسائیڈ کی جانکاری ملتے ہی موقع پر پہنچی پترکار نگر تھانے کی پولیس نے دونوں کی لاش کو قبضے میں لے کر معاملے کی جانچ شروع کردی ہے۔
