ریاست بہار کے نائب وزیر اعلیٰ سشیل کمار مودی کیمور ضلع کو ٹورزم بنانے اور اسے ترقی دینے کی غرض سے یہاں پہنچے۔
اس دوران انہوں نے ماں منڈیشوری مندر کے علاوہ کرکٹ گڑھ،بادل گڑھ جیسے دیگر مقامات کا معاٸنہ کیا۔ جس کے بعد ضلع کے اعلیٰ افسران کے علاوہ پٹنہ سے ساتھ آئے افسروں کو کیمور ضلع کو سیاحت کی غرض سے ترقی دینے کے لیے سارے ضروری قدم اٹھانے کا حکم دیا۔
ناٸب وزیر اعلیٰ جس کرکٹ گڑھ کے راستہ سے کیمور گئے اسی راستہ میں تھوڑی ہی دوری پر بختیار خان کا قلعہ بھی ہے۔ جو بدحال ہے اور مرمت نہ ہونے کی وجہ سے خستہ حال ہے۔
یہاں کے تاریخی ورثہ میں شامل بختیار خان کا قلعہ بہتر کشیدہ کاری کا ایک نمونہ ہے ۔وہاں نائب وزیر اعلیٰ نہ ہی معائنہ کرنے گئے اور نہ ہی اس سے متعلق افسران سے کوئی بات کی۔
جبکہ مقامی لوگوں کے علاوہ سماجی کارکنان کو اس بات کی امید تھی کے کیمور کو سیاحت کا مرکز بنانے کے لیے ناٸب وزیر اعلیٰ ضلع میں آکر اہم مقامات کا معائنہ کریں گے۔
جس میں بختیار خان کا قلعہ بھی شامل تھا اس قلعہ سے حکومت کو کثیر مقدار میں ریونیو بھی حاصل ہوتا ہے لیکن ناٸب وزیراعلیٰ کی بے توجہی سے لوگوں کو مایوسی ہاتھ لگی۔
