بہار ضلع گیا کے رہائشی اور جنتادل یونائٹیڈ کے سابق قدآور رہنما و قانون ساز کونسل کے رکن سید تنویر اختر کی اہلیہ روزینہ نازش کو پارٹی نے قانون ساز کونسل کا امیدوار بنایا ہے۔
روزینہ نازش نے آج وزیر اعلیٰ نتیش کمار کی موجودگی میں اپنی نامزدگی کا پرچہ داخل کیا ہے، تنویر اختر کا گزشتہ 8 مئی کو کورونا کی وجہ سے انتقال ہوگیا تھا۔
تنویر اختر کی سنہ 2000 میں روزینہ نازش سے شادی ہوئی تھی، تنویر اختر جے این یو کی طلباء یونین سے اپنی سیاست کا آغاز کیا تھا اور وہ طالب علمی کے زمانے میں جے این یو طلبا یونین کے صدر بھی رہے. اس کے بعد انہوں نے کانگریس سے اپنی سیاست کی شروعات کی اور 2016 میں کانگریس کی ٹکٹ پر وہ ایم ایل سی بنے، تاہم بعد میں وہ کانگریس چھوڑ کر جے ڈی یو میں شامل ہوگئے۔
تنویر اختر کی انتقال کے بعد مسلسل یہ قیاس لگایا جارہا تھا کہ نتیش کمار تنویر اختر کی بچی ہوئی مدت کے لیے ان کی جگہ ان کی اہلیہ روزینہ نازش کو ایم ایل سی بنائیں گے، روزینہ نازش کو ابھی آٹھ ماہ کے لیے رکن قانون ساز کونسل بنایا گیا۔
مزید پڑھیں:میرٹھ: مولانا کلیم احمد صدیقی اے ٹی ایس کے ہاتھوں گرفتار
اس موقع پر گیا سے مرحوم تنویر اختر کے تمام رشتے دار پٹنہ پہنچ چکے ہیں۔ مرحوم تنویر اختر کے بھائی سید خورشید اختر نے فون پر گفتگو کرتے ہوئے وزیر اعلیٰ نتیش کمار کا شکریہ ادا کیا اور کہا کہ امید ہے کہ وزیر اعلیٰ آگے بھی انہیں ایم ایل سی کے عہدے پر فائز کریں گے۔
