گیا:ریاست بہار کے ضلع گیا پولیس نے دو الگ الگ معاملے میں تین افراد کو گرفتار کیا ہے۔اس میں ایک وہ شخص ہے جس نے گاوں کے دوسرے افراد سے جھگڑے کے دوران اسلحہ دیکر گولی چلوایا تھا۔اس میں گولی لگنے سے ایک شخص کی موت ہوگئی تھی جبکہ دو افراد کو راہگیروں سے موبائل فون ، خواتین سے سونے کے چین اور دیگر زیورات چھیننے کے معاملے میں گرفتار کیا گیا ہے۔ان پر پہلے سے بھی مقدمہ درج ہے اور یہ پہلے بھی جیل جا چکے ہیں۔
گزشتہ روز جمعرات کو ایس ایس پی آشیش بھارتی نے اپنے دفتر میں پریس کانفرنس کرکے اسکی اطلاع دی ہے۔ایس ایس پی آشیش بھارتی نے بتایا کہ گزشتہ 22 اگست کو کونچ تھانہ حلقہ میں سداما سنگھ نام کے شخص سے گاوں کے ایک دوسرے شخص کا زمین کے تنازع کو لے کر جھگڑا ہو گیا تھا۔گاؤں کے لوگوں کے ذریعے بیچ بچاؤ کر کے معاملے کو شانت کرایا گیا لیکن بعد میں سداما سنگھ نے اس شخص کو معاملے کو حل کرنے کے بہانہ سے بلایا اور پھر سداما سنگھ نے گھر سے اپنے غیر قانونی اسلحہ نکال کر ایک دوسرے شخص کو اسلحہ دیا اور اسے گولی مارنے کو کہا ۔
اس کے بعد فائرنگ کے دوران ایک شخص کو گولی لگ گئی اور وہ موقع پر ہی ہلاک ہو گیا۔ اس معاملے میں متوفی کی اہلیہ نے کونچ تھانہ میں تحریری شکایت درج کرا کر سداما سنگھ کو اور اس کے دوسرے ساتھیوں کو نامزد ملزم بنایا تھا۔
یہ بھی پڑھیں:Six people injured in clash in Gaya گیا میں آپسی جھگڑے میں چھ سے زیادہ افراد زخمی
ایس ایس پی نے کہا کہ معاملہ ان کی روشنی میں آنے کے بعد کونج تھانہ کو بدمعاشوں کی گرفتاری کے لیے ہدایت دی گئی تھی ۔ پولیس ٹیم نے چھاپے ماری کر سدا ما سنگھ کو گرفتار کر لیاہے ۔ اس واقعہ میں شامل دوسرے لوگوں کی گرفتاری کے لیے چھاپہ مارا جارہا ہے
