سب سے گندے شہر میں گیا سرفہرست

مرکزی حکومت کے صاف ستھرے شہر کے لیے کیے گئے سروے میں شہر گیا سب سے گندے شہر میں پہلے مقام پر ہے۔ گیا میونسپل کارپوریشن نے اس کا ذمہ دار متعلقہ محکمے کے افسران وعملہ کو ٹھہرایا ہے۔

ریاست بہار کا شہر گیا ملک کے دس سب سے گندے شہر میں اول مقام پر ہے، سوچھ سروے 2020 میں گیا کے حصے میں یہ بدنامی آئی ہے۔

دراصل مرکزی حکومت نے صاف ستھرے شہرکے سروے کے نتائج کااعلان کردیا ہے۔ اس میں ملک کے سب سے گندے شہر میں گیا کو سب سے کم نمبر 737.74 نمبر حاصل ہوا ہے، جو شہر کے نمائندوں کے لئے باعث شرمندگی ہے۔

سوچھ بھارت کے تحت الگ الگ کاموں کے لئے نمبر طے تھے۔ اس میں کچرا کلیکشن، ٹرانسپورٹیشن، کچرا ڈسپوزل، سینیٹائزیشن، ملازمین کی تربیت وغیرہ شامل تھیں۔

گیا صفائی معاملے میں پیچھے رہنے پر میونسپل کارپوریشن میں اس پر گرما گرم بحث بھی جاری ہے۔ میئر اور ڈپٹی میئر سمیت وارڈ کونسلرز اس کے ذمہ دار میونسپل کے حکام کو گردان رہے ہیں۔

ڈپٹی میئر موہن شریواستو نے صاف لفظوں میں اس کے لیے ذمہ دار نگر کمشنر ساون کمار کو ٹھہرایا ہے۔ صفائی انچارج سمیت کارپوریشن کے کئی سینیئر افسران کو نگر کمشنر نے نوٹس جاری کرکے جواب بھی مانگا ہے۔

لیٹر

ڈپٹی میئر موہن شریواستو نے کہا کہ، 'کام کے باوجود سوچھ بھارت مشن کے سروے میں پچھڑ جانا افسوسناک ہے۔ کورونا وبا کے دوران مسلسل سینیٹائزیشن کے ساتھ وارڈوں میں صفائی اور بیداری مہم چلائی گئی۔ تاہم افسران اور عملہ کی بے توجہی کی وجہ سے گیا شہر رینکنگ میں پچھڑ گیا۔ جن افسران کے ذمے یہ کام تھے، ان کو نوٹس جاری کرکے جواب طلب کیا ہے حالانکہ انہوں نے مرکزی حکومت پر بھی شدید نکتہ چینی کی ہے۔

میئر گنیش پاسوان نے کہا کہ صفائی کے معاملے میں بہتر کام ہوا تھا، لیکن رینکنگ میں گراوٹ سے مایوس ہیں، تاہم اس سے سبق لیتے ہوئے مزید بہتر کام کیے جائیں گے۔