بہار کے ضلع گیا میں واقع میونسپل کارپوریشن کے دفتر میں آج اچانک آگ لگ گئی، جس میں کئی قیمتی سامانوں کے ساتھ ضروری کاغذات بھی جل کر خاکستر ہوگئے۔
اس دوران میونسپل کارپوریشن کے ملازمین نے دفتر سے ضروری سامان اور کاغذات نکالنے کی کوشش کی تاہم آگ کی رفتار اتنی تیز تھی کہ دفتر سے کاغذات تک نہیں نکالے جاسکے۔
موقع پر موجود لوگوں نے آگ کی اطلاع فائر بریگیڈ کو دی۔ جس کے بعد جائے وقوع پر پہنچی فائر بریگیڈ کی گاڑیوں نے سخت مشقت کے بعد آگ پر قابو پالیا۔
اس سلسلے میں میونسپل کارپوریشن کے ملازمین کا کہنا ہے کہ شارٹ سرکٹ کی وجہ سے آگ لگی ہے تاہم اس کی جانچ کی ہدایت، نگر آیوکت ساون کمار نے دے دی ہے۔
