ریاست بہار کے دربھنگہ ضلع پولیس نے اے ٹی ایم کارڈ بدل کر اور اے ٹی ایم کلوننگ کے ذریعہ لوگوں کے بینک کھاتوں سے روپے نکالنے والے ایک گروہ کے چار اراکین کو گرفتار کیا ہے۔
سنیئر پولیس سپرنٹنڈنٹ بابو رام نے یہاں بتایا کہ 'ضلع پولیس ٹیکنیکل ٹیم کی مدد سے ضلع کے سنگھواڑہ اور مغربی بنگال کے سلی گوڑی سے ایک گروہ کے چار اراکین کو گرفتار کیا گیا ہے۔ گرفتار کیے گئے بدمعاشوں کے موبائل کے سی ڈی آر معائنہ سے یہ جانکاری ملی ہے کہ دربھنگہ اور آس پاس کے کئی علاقوں میں انہوں نے جرائم کی واردات کی ہیں۔'
بابو رام نے بتایا کہ 'گرفتار بدمعاشوں کی شناخت آدرش کمار، سنی کمار، راجیو کمار اور راہل کمار کے طور پر کی گئی ہے۔ انہوں نے بتایا کہ 'ان کے پاس سے دو لاکھ 25 ہزار روپے، چھ موبائل، 25 اے ٹی ایم کارڈ اور ایک کار برآمد کی گئی ہے۔'
یہ بھی پڑھیں: اتراکھنڈ: فرضی دستاویز کیس میں معاملہ درج کرنے کی ہدایت
انہوں نے مزید بتایا کہ 'تفتیش میں بدمعاشوں نے گذشتہ دو ماہ میں قریب 40 اے ٹی ایم تبدیلی کلوننگ کر روپے نکالنے کی بات قبول کی ہے۔'
(یو این آئی)
