دربھنگہ بازار سمیتی کے نزدیک قومی شاہراہ 57 پر بدھ کے روز سابق مرکزی وزیر و جنتادل یونائٹیڈ کے پارلیمنٹری بورڈ کے صدر اوپندر کشواہا کا جنتادل یونائٹیڈ کے کارکنوں نے ڈاکٹر امام الحق امام کی قیادت میں گرم جوشی کے ساتھ استقبال کیا۔
اس موقع پر جنتادل یونائٹیڈ کے سینئیر رہنما اسرارالحق عرف لاڈلے نے اوپندر کشواہا کو مالا، شال اور ٹوپی پہناکر استقبال کیا اور طلباء لیڈروں نے متھلا پینٹنگ اوپندر کشواہا کو دیا۔
سابق مرکزی وزیر اوپندر کشواہا نے کہا کہ سماج کے ہر طبقہ کو آپس میں مل جل کر کام کرنے کی ضرورت ہے اور مجھے تبھی خوشی ہوگی جب پارٹی کے سبھی کارکنان ایمانداری سے کام کریں گے۔ جنتادل یونائٹیڈ اور وزیر اعلیٰ نتیش کمار کو مضبوط بنائیں گے۔
یہ بھی پڑھیں: Yousuf Shah Chak: بہار میں آزاد کشمیر کے آخری بادشاہ کی قبر کے تحفظ کے لیے جدوجہد
اس موقع پر اسرارالحق لاڈلے نے کہا کہ اوپندر کشواہا نے ہمیں پیغام دیا ہے کہ ہم سبھی کو اپنی پارٹی کے لئے ایمانداری سے کام کرنا چاہیے، جس سے پارٹی اور مضبوط ہوگی اور وزیر اعلیٰ نتیش کمار مضبوط ہوں گے۔
