ریاست بہار کے سابق وزیر اعلی جتن رام مانجھی نے کہا ہے کہ مرکز میں مودی حکومت اور ریاست میں نیتیش کمار کی حکومت پوری طرح سے ناکام ہو چکی ہے اور اگر ہم متحد ہوکر لڑائی لڑنے میں ناکام رہے تو ہم اپنے سامنے موجود موقع کو خراب کردیں گے'۔
انہوں نے کہا 'اس حقیقت سے متعلق کوئی تنازعہ نہیں ہے کہ آر جے ڈی گرینڈ الائنس کا سب سے بڑا حلقہ ہے۔ انتخابات میں حصہ لینے کے دوران پارٹیوں کے رہنما ایک دوسرے سے ملتے رہتے ہیں'۔
دریں اثنا ، جے ڈی یو کے ترجمان راجیو رنجن پرساد نے پیش گوئی کی ہے کہ گذشتہ سال لوک سبھا انتخابات میں ڈوب جانے والا پانچ جماعتی اتحاد ریاستی اسمبلی کے انتخابات کے شیڈول کے اعلان کے بعد ہی الگ ہوجائے گا'۔
انہوں نے کہا 'یہ یقینی طور پر ظاہر ہے کہ اسمبلی انتخابات سے قبل نام نہاد گرینڈ الائنس ٹوٹ جائے گا۔ ہمیں معلوم ہوا ہے کہ اوپیندر کشواہا دہلی میں کانگریس کے اعلی رہنماؤں سے ملنے جا رہے ہیں۔ واضح طور پر اتحاد کے دیگر شراکت داروں میں تیجسوی یادو کی قیادت کو قبول نہیں کیا گیا ہے'۔
