بہار: دلتوں کے ساتھ مار پیٹ، 40 پر ایف آئی آر درج

مہادلت بستی کو محاصرہ کرکے دلتوں کے ساتھ مار پیٹ اور گھروں کو لوٹنے کا معاملہ سامنے آیا ہے۔

ریاست بہار کے مغربی چمپارن کے بگہا میں مہادلت بستی کو گھیر کر دلتوں کے ساتھ مار پیٹ اور گھروں کو لوٹنے کا معاملہ سامنے آیا ہے۔

اس معاملے پر سہودرا تھانہ میں سوگندھی دیوی نے ایف آئی آر درج کرائی ہے۔ سوگندھی دیوی نے درخواست میں کہا ہے کہ' 15 افراد ان کے گھر میں داخل ہوئے اور حملہ کرکے گھر کو لوٹ لیا۔'

انہوں نے کہا ہے کہ 'زیورات سمیت تین ہزار روپے لوٹ لئے ہیں اور موٹرسائیکل کو توڑ دیا ہے۔'

ان کا کہنا ہے کہ 'گاؤں کے ہی سنجے رائے، وجئے رائے، بھوپنارائن سنگھ، ناگیندر مشرا، ببلو مشرا، راجن مشرا، رمیش دت، رام نریش شرمہ، ددن سنگھ، بلونت سنگھ، مقبول حق، بندول میاں، رام ناتھ مہتو، گوتم مہتو اور گووند مہتو سمیت 25 کے قریب نامعلوم افراد نے لوٹ پاٹ کی ہے۔'

اس واقعے میں پانچ افراد زخمی ہوئے ہیں۔ زخمیوں کا علاج سب ڈویژن اسپتال نرکٹیا گنج میں چل رہا ہے۔

وہیں بہت سارے لوگوں کا کہنا ہے کہ 'ٹرانسفرمر تنازعہ کو لے کر لڑائی ہوئی ہے۔'

پولیس انسپکٹر دھننجئے کمار سنگھ نے بتایا کہ 'درج معاملے میں پندرہ افراد کو نامزد کیا گیا ہے اور 25 افراد کو نامعلوم نامزد کیا گیا ہے۔'

فی الحال پولیس معاملے کی تفتیش کر رہی ہے۔