پولیس ذرائع نے بتایا کہ کاندھلا قصبے کے دہلی۔ سہارنپور قومی شاہراہ پر واقع پٹاخہ فیکٹری فرمان فائر ورکس میں سات افراد کام کررہے تھے۔ اسی اثنا میں فیکٹر میں رکھے بارود میں اچانک آگ لگ گئی۔ فیکٹر کے اندر گیس کے سلنڈ بھی رکھے ہوئے تھے آگ کی وجہ سے ان میں ایک کے بعد ایک میں دھماکہ ہونا شروع ہوگیا اور فیکٹر ی کے زیادہ ترکمرے زمین دوز ہوگئے۔
پولیس کے مطابق فیکٹری میں لگی اس آگ میں 5 افراد کی موت جبکہ دیگر دو زخمی ہوگئے۔ حادثے کی اطلاع ملتے ہی موقع پر پہنچی پولیس اور محکمہ بریگیڈ کی ٹیم نے گھنٹوں کی مشقت کی بعد آگ پر قابو حاصل کیا۔ اس حادثے میں ہلاک ہونے والے افراد کی شناخت انتظار(50)، نرمل(40)، نریشو(40)، شریشو(45) اور سینکی(20) کے طور پر ہوئی ہے۔
حادثے کے بعد فیکٹر مالک فرار ہے بتایا جاتا ہے کہ مالک کے پاس پٹاخہ بنانے کا لائسنس ہے۔ وہیں ریاست کے وزیراعلی یوگی آدتیہ ناتھ نے اس حادثے پر اپنے رنج و غم کا اظہار کرتے ہوئے افسران کو متأثرین کی ہرممکن مدد فراہم کرنے اور پوری مستعدی سے راحت و بچاو کا کام شروع کرنے کی ہدایات دی ہے۔
