Minority cell JDU Gaya: گیا میں جے ڈی یو کی جائزہ میٹنگ میں مسلمانوں کی نمائندگی اور شمولیت پر زور

بہار میں بر سراقتدار جے ڈی یو اقلیتی سیل کی جانب سے جائزہ میٹنگ کا انعقاد کیا گیا، جس میں سلسلے وار طریقہ سے ایک ایک ایجنڈے پر تبادلہ خیال کیا گیا JDU Minority Cell meeting held in Gaya۔

گیا: ریاست بہار میں حکمراں جماعت جے ڈی یو کی طرف سے مسلمانوں کو اپنی طرف مائل کرنے کی کوشش کی جارہی ہے۔ آج گیا میں اقلیتی سیل کی طرف سے اسی کوشش میں جائزہ میٹنگ ہوئی جس میں سابق وائس چیئرمین قانون ساز کونسل سلیم پرویز شریک ہوئے اور مسلمانوں سے وزیر اعلیٰ نتیش کمار کے ساتھ آنے کی دعوت دی، ساتھ ہی پارٹی کے رہنماؤں کو ہدایت دی کہ وہ حکومت کے منصوبے کو مسلمانوں تک پہنچائیں Emphasis on representation and participation of Muslims in JDU review meeting in Gaya۔

شہر گیا میں آج جے ڈی یو اقلیتی سیل JDU Minority Cell Gaya کی طرف سے جائزہ میٹنگ ہوئی حالانکہ یہ میٹنگ بھی ہنگامہ کی نذر ہو جاتی لیکن بعد میں جے ڈی یو اقلیتی سیل کے صوبائی صدر و سابق وائس چیئرمین قانون ساز کونسل بہار سلیم پرویز Salim Pervez JDU Leader نے حالات کو سنبھالا اور میٹنگ کے اصولوں کے مطابق آگے کی کارروائی ہوئی۔

میٹنگ میں سلسلے وار طریقہ سے ایک ایک ایجنڈے پر تبادلہ خیال کیا گیا جس میں سب سے زیادہ اس بات پر گفتگو ہوئی کہ ''ساڑھے چار سال مسلمانوں کی طرف سے وزیر اعلیٰ نتیش کمار کی تعریف بھی ہوتی ہے اور ان سے رابطہ بھی رکھا جاتا ہے، تاہم الیکشن آتے ہی وزیر اعلیٰ نتیش کمار پر اتحادی پارٹی بی جے پی کا مہرہ ثبت کر دیا جاتا ہے اور برسوں پرانی ایک بات کہ بہار میں کس نے اڈوانی کا رتھ روکا جب کہ حقیقت یہ ہے کہ ہر دن نتیش کمار فاسسٹ طاقتوں بالخصوص کمینولزم کو روکتے ہیں۔''

''مسلمانوں کو بھارتیہ آئین میں ملے اختیارات کے مطابق ان کے مذہب کے مطابق کھانے پینے رہنے سہنے اور عبادت کی اجازت کی پیروی کرتے ہیں اور اسے یقینی بناتے ہیں۔ حال ہی میں مائک سے آذان کے مسئلے پر سب کی بولتی نتیش کمار نے ایک جواب میں بند کر دی تاہم الیکشن میں نتیش کمار کو مسلمانوں کا ساتھ نہیں ملتا ہے اگر ساتھ مل جائے تو یقینی ہے کہ کسی کے اتحاد کی ضرورت نہیں ہوگی۔''

• Chief Minister's Minority Employment Loan Scheme:وزیراعلیٰ اقلیتی روزگارقرض اسکیم کا فائدہ لینے میں دلچسپی نہیں رکھتے ہیں درخواست دہندگان
  
  میٹنگ کے بعد سلیم پرویز نے ای ٹی وی بھارت سے بات کرتے ہوئے کہا کہ 'مسلمانوں کی جو بھی شکایات ہیں ان کا جائزہ لیا گیا۔ مسلمان اب نام نہاد سیکولرازم والوں کو سمجھ چکے ہیں۔'