بہار میں نالندہ ضلع کے بین تھانہ علاقہ سے پولیس نے بدھ کو ایک شخص کی لاش برآمد کی ہے۔ پولیس ذرائع نے بتایا کہ مقامی لوگوں سے ملی اطلاع کی بنیاد پر کوتل پور گاﺅں میں پانی سے بھرے گڈھے سے ایک شخص کی لاش برآمد کی گئی ہے۔
متوفی کی شناخت کوتل پور گاﺅں باشندہ سیاشرن پرساد (65) کے طور پر کی گئی ہے۔ وہ کل شام کسی کام کے سلسلے میں گھر سے نکلے تھے لیکن جب وہ گھر لوٹ کر نہیں آئے تو اہل خانہ نے ان کی تلاش شروع کی لیکن ان کا کوئی پتہ نہیں چل سکا۔
ذرائع نے بتایاکہ لاش پوسٹ مارٹم کیلئے بہار شریف صدر ہسپتال بھیج دی گئی ہے۔ معاملے کی جانچ کی جارہی ہے۔
