بھارت کا آئین مرتب کرنے والے عظیم اسکالر ڈاکٹر بھیم راؤ امبیڈکر کی جینتی سرکاری و غیر سرکاری اداروں میں بڑی دھوم سے منائی گئی۔
ارریہ سب ڈویژن احاطہ میں موجود بھیم راؤ امبیڈکر کے مجسمہ پر ضلع کلکٹر پرشانت کمار، اے ڈی ایم انل کمار ٹھاکر، ڈی ڈی سی منوج کمار سنگھ، ایس ڈی او شلیش چندر دیواکر، ڈی پی آر او دلیپ سرکار سمیت تمام بلاک کے بی ڈی او اور ملازمین نے گلپوشی کی اور انہیں خراج عقیدت پیش کیا اور بھیم راؤ امبیڈکر کے بتائے ہوئے راستے پر چلنے کا عہد کیا۔
اس موقع پر مختلف محکمہ کی جانب سے مختلف منصوبوں کے تحت ضرورتمندوں کی ضرورت بھی پوری کی گئی۔
ضلع کلکٹر نے مختلف بلاک کے ایس سی، ایس ٹی سے جڑے افراد کو وزیر اعلیٰ گرام پریواہن منصوبہ کے تحت ای رکشا کی چابی تقسیم کی۔
اس کے علاوہ منریگا منصوبہ کے تحت آنگن واڑی کی دو عمارتوں کی توسیع کی گئی۔ ساتھ ہی وزیراعظم رہائش منصوبہ کے تحت چار لوگوں کو پکے گھر کی چابی سپرد کی گئی۔
اس موقع پر ضلع کلکٹر نے کہا کہ ڈاکٹر بھیم راؤ امبیڈکر ہمارے ملک کے ایک عظیم اور تعلیم یافتہ اسکالر تھے جنہوں نے بھارت کے آئین کو تشکیل دیا۔ ان کا ماننا تھا کہ یہ ملک ایک باغیچے کی طرح ہے جس میں ہر رنگ کے پھول کھِل رہے ہیں۔
