کیمور: ڈسٹرکٹ کورونا ویکسینیشن سینٹر کا افتتاح

بہار کے ضلع کیمورمیں کورونا ٹیکہ کاری مہم میں تیزی لانے کی غرض سے ریاستی صحت کمیٹی کی ہدایت کے مطابق ضلعی آفس کے احاطہ میں ضلع مجسٹریٹ کے ذریعہ 'ڈسٹرکٹ کورونا ویکسینیشن سینٹر' کا افتتاح کیا گیا۔

اس موقع پر ضلع مجسٹریٹ نودیپ شکلا نے کہا کہ یہ ویکسینیشن سینٹر صبح 9 بجے سے رات 9 بجے تک چلے گا۔

کوئی بھی آسانی سے جا کر ویکسین لے سکتا ہے۔ انہوں نے مزید بتایا کی 18 سال کی عمر کے لوگوں کو ویکسینیشن سینٹر میں کووڈ 19 کے ٹیکے لگائے جائیں گے جو آج سے باضابطہ کام کرنا شروع ہوگیا ہے۔

ڈسٹرکٹ کورونا ویکسینیشن سینٹر کے افتتاح کے موقع پر ڈپٹی ڈیولپمنٹ کمشنر کیمور، سول سرجن کیمور، ایڈیشنل کلکٹر کیمور، ضلعی اقلیتی بہبود آفیسر کیمور، ضلعی خزانچی کیمور اور دیگر اعلی عہدیدار موجود تھے۔