پٹنہ ہائی کورٹ نے ریاست میں پرائمری اسکولوں میں بڑے پیمانے پر اساتذہ کی بحالی معاملے میں بی ایڈ ڈگری ہولڈروں کے حق میں ایک اہم فیصلہ لیا ہے.
جسٹس اے کے اپادھیا نے ریاستی حکومت کو ہدایت دیتے ہوئے کہا ڈی ایل ایڈ اور بی ایڈ ڈگری ہولڈروں کو مساوی مانتے ہوئے ایک ہی میرٹ لسٹ بنائے تاکہ اسی بنیاد پر اساتذہ کی بحالی ہو.
اس سے قبل جسٹس اے کے اپادھیا نے اس معاملے میں ہرے رام کمار کی عرضی پر سماعت مکمل کرنے کے بعد فیصلہ محفوظ رکھا تھا اور آج انہوں نے فیصلہ سنایا.
ان عرضیوں میں ریاستی حکومت کے اس فیصلے کو چیلنج کیا گیا تھا جس میں ڈی ایل ایڈ امیدواروں کو بحالی میں ترجیح دیا گیا تھا. ساتھ ہی یہ کہا گیا تھا کہ اس کے بعد خالی عہدوں پر بحال کیا جائے گا.
پٹنہ ہائی کورٹ نے ریاستی حکومت کے اس فیصلے کو نا منظور کرتے ہوئے بی ایڈ ڈگری ہولڈروں کو بھی شامل کر ایک ہی میرٹ لسٹ بنا کر بحالی کرنے کی ہدایت دی ہے.
عرضی گزارروں کی جانب سے وکیل اشیش گری نے عدالت کے سامنے پیش کیا، جسے عدالت نے منظور کرتے ہوئے یہ فیصلہ لیا.
:
