گیا:ریاست بہار کے مختلف اضلاع کی طرح ضلع گیا میں مانسون میں تاخیر کی وجہ سے شدید گرمی اور لو لگنے سے اموات کا معاملہ جاری ہے۔ مختلف علاقوں میں اس دوران لو لگنے سے دو افراد کی موت ہوگئی۔ اس کی تصدیق خود ڈسٹرکٹ مجسٹریٹ نے کی تھی۔ حالانکہ وہ دو سے زیادہ متاثرین کی موت کی تصدیق نہیں کررہے ہیں۔ گزشتہ ایک ہفتے سے مگدھ کمشنری کے سب سے بڑے ہسپتال انوگرہ نارائن میں فالج کے مریضوں کی تعداد بڑھ کر 58ہوگئی ہے۔ گرمی اور لہر کے حوالے سے مگدھ میڈیکل ہسپتال میں ایک الگ ہیٹ اسٹروک وارڈ قائم کیا گیا ہے۔اس میں 80 بیڈ دستیاب ہیں۔ یہ وارڈ مکمل طور پر ائرکنڈیشن ہے۔
مگدھ میڈیکل ہسپتال کے ڈپٹی سپرنٹنڈنٹ ڈاکٹر پی کے اگروال نے کہا کہ آنے والے تمام مریض ہیٹ اسٹروک کے شکار نہیں ہوتے ہیں بلکہ مختلف بیماریوں میں وہ مبتلا ہوتے ہیں۔ مریضوں کو ہیٹ اسٹروک وارڈ میں داخل کرکے ان کا علاج کیا جارہا ہے۔ جبکہ انتظامیہ کے مطابق گرمی اور لو سے اب تک دو اموات ہو چکی ہیں۔ ابھی دو اور موت کی وجہ پوسٹ مارٹم کے بعد ہی واضح ہو سکے گی کہ ان کی موت لو لگنے سے ہوئی یا بیماری کی وجہ سے موت ہوئی ہیں۔
یہ بھی پڑھیں:Severe Heat Wave in Bihar بہار میں شدید گرمی کی لہر، ہیٹ اسٹروک سے چالیس سے زیادہ لوگوں کی موت
وہیں مریضوں کے رشتہ داروں نے بتایا کہ تیز بخار اور لو کے باعث انہوں نے اپنے قریبیوں کو داخل کرایا ہے۔ 58 افراد ِزیر علاج ہیں یہاں ہسپتال میں تین شفٹوں میں سنیئرڈاکٹر نرس کو تعینات کیا گیا ہے ہردن ہسپتال سے ہیلتھ وولٹین جاری کیا جارہاہے۔سرکاری ہسپتالوں کے علاوہ نجی ہسپتالوں میں سب سے زیادہ بھیڑ ہے
