ریاست بہار کے ضلع دربھنگہ میں محکمہ صحت کمیٹی کی جانب سے پریس کانفرنس کی گئی، جس میں بتایا گیا کہ مشن اندر دھنش کا آغاز دو دسمبر سنہ 2019 سے شروع کیا جائے گا۔
واضح ہے کہ اس مشن کے تحت ٹیکہ کاری پروگرام کے 90 فیصد نشانہ حاصل کرنے کے مقصد سے اسے چار مرحلے میں انجام دیا جائے گا -
دربھنگہ کے گیارہ تحصیل جن میں علی نگر، بہادر پور، دربھنگہ صدر، بہیری، برول، ہیاگھاٹ، جالے، کرت پور، منی گاچھی، سنگھوارہ، اور کشیسور استھان مغربی کے 289 مقاموں پر حاملہ عورتوں اور صفر سے دو برس تک کے بچوں کو مختلف جان لیوا بیماریوں حفاظت لیے ٹیکہ لگایا جائے گا۔
واضح رہے کہ ٹیکہ جیسے، پولیو، ٹی بی، دپتھیریا، ٹٹنس، نمونیا، خسرہ، روبیلا، دست وغیرہ سے نجات دلانے کے مقصد سے یہ ٹیکا کاری مھم چار مرحلوں دو دسمبر سے 12 دسمبر سنہ 2019 تک، جبکہ دوسرا مرحلہ چھ جنوری سے 19 جنوری سنہ 2020، تیسرا مرحلہ تین فروری سے 13 فروری، اور چوتھا مرحلہ دو مارچ سے 16 مارچ تک چلایا جائے گا۔
اس مھم کے تحت پہلے مرحلے میں 872 حاملہ عورتوں اور 5053 بچوں میں ٹیکہ لگایا جائے گا -
خیال رہے کہ ان باتوں کی جانکاری پریس کانفرنس میں دی گئی اس موقع پر ای ٹی وی بھارت اردو سے گفتگو کرتے ہوئے اس مھم کے دربھنگہ انچارج ڈاکٹر امریندر کمار مشرا نے کہا کہ اس مشن کے تحت یہ بھی ٹارگیٹ ہے کہ جتنے بھی چُھوٹے ہوئے بچے یا حاملہ عورتیں ہیں ان سب کو ٹیکہ کا دوج دیا جاسکے اور ساتھ ہی لوگوں کو بیدار بھی کیا جاسکے۔
