کورونا وائرس کے سدباب کےلئے نافذ کئے گئے لاک ڈاون باعث مزدورں اور تلاش معاش کے لئے بیرون ریاستوں میں مقیم افراد کی پریشانی ناگفتہ بہ ہے ۔
ادھر ریست بہار کے ضلع دربھنگہ کے رہنے والے اشوک چودھری اپنی اہلیہ اور فرزند کے ہمراہ کرایہ پر آٹو لے کر نکلےتھے ۔
جیسے ہی آٹو لکھنو آگرہ قومی شاہرہ پہونچا تو سوئے اتفاق سڑک حادثہ میں میاں بیوی کی موت ہو گئی ۔
موت کی اطلاع جیسے ہی ان کے گاؤں پہنچی تو کہرام مچ گیا ۔ اشو ک چودھری کے 70 سالہ والد کا رو رو کر برا حال ہے ۔
واضح رہے کہ اشوک چوھری کی اہلیہ حاملہ تھیں ۔ اس سڑک حادثہ میں ان کا چھ سالہ فرزند کرشنا صحیح سلا مت رہا ۔
حادثہ کی اطلاع ملتے ہی اشوک چودھری کے چچا زاد بھائی سمیت پانچ افراد اناو پہونچے۔ اور چھ سالہ کرشنا کو پولیس کے پاس لے لیا ۔
واضح رہے اشوک اور ان کی اہلیہ لاشیں ان کے آبائی مقام نہیں پہونچیں ۔ آخری رسومات الہ آباد میں ہی انجام دی گئیں۔
اشو ک چودھری کے گھر تاحال نہ تو کسی سیاسی رہنما نے دستک دی ہے ۔اور نہ ہی ضلع انتظامیہ کی جا نب سے کو ئی خبر لی گئی ہے ۔ جس کے سبب عوام میں ناراضگی دیکھی جا رہی ہے ۔
