بودھ مذہبی رہنما دلائی لامہ آئندہ ماہ بودھ گیا کا دورہ کریں گے اور یہاں ایک ہفتے سے زیادہ وقت گزاریں گے۔ مہابودھی مندر کی زیارت اور پوجا کے ساتھ کالچکر میدان میں انکا سابقہ روایات کے مطابق روحانی خطاب ہوگا جس میں ملک و بیرون ملک سے تقریبا 70 ہزار بودھ بھکشوں کی شرکت متوقع ہے۔ Dalai Lama May visit bodh gaya in december
چونکہ دلائی لامہ کی سیکوریٹی کا معاملہ سخت ترین ہوتا ہے ایسے میں انتظامیہ کی جانب سے بھی انکی آمد سے قبل تیاریوں کو حتمی شکل دی جارہی ہے ، آج کلکٹریٹ میں ڈسٹرک مجسٹریٹ ڈاکٹر تیاگ راجن کی صدارت میں ایک اعلی سطحی میٹنگ ہوئی جس میں ایس ایس پی کے علاوہ ضلع کے سبھی اعلی افسران اور بودھ گیا کے مختلف بودھ مٹھوں کے بھکشوں نے شرکت کی۔
ضلع مجسٹریٹ ڈاکٹر تیاگ راجن نے کہا کہ دلائی لامہ کا پروگرام دسمبر کے مہینے میں ممکن ہے چونکہ کورونا کی مدت کے بعد تقریباً دو سال بعد یہ پروگرام ممکن ہونے جا رہا ہے۔ کالچکر میدان میں مذہبی پیشوا دلائی لامہ کی طرف سے مختلف بدھ مت کے عقیدت مندوں کے لئے تدریسی پروگرام منعقد کئے جاتے ہیں۔ جس میں مختلف ممالک اور بیرون ملک سے تقریباً 60 سے ستر ہزار عقیدت مندوں کی آمد متوقع ہے۔
یہ بھی پڑھیں:Rizwan Palace Patna شہر عظیم آباد کی تاریخی عمارت رضوان پیلس کھنڈر میں تبدیل
ایسے میں ہرطرح کی تیاری قبل ازوقت ضروری ہے ، ڈی ایم نے بجلی ، صفائی ، سیکوریٹی ، ہیلتھ ، ٹرافیک ، سڑک مرمتی ، حسب ضرورت پولیس جوانوں کی تعیناتی ، فائربریگیڈ کی گاڑیوں ، پنڈال کی صفائی اور سیفٹی سمیت کئی پہلوں پر تبادلہ خیال کیا اور متعلقہ افسران کو ہدایت دی کہ وہ اپنے اپنے محکموں اور ذمے داری کے تحت اسی ماہ سبھی کاموں کو پورا کرلیں ، دلائی لامہ کی سیکوریٹی میں کسی طرح کی کمی نہیں ہو ، خستہ حال بجلی کے تاروں ،خراب سڑکوں کی مرمتی ، پیشاب خانہ وبیت الخلاء کے ساتھ بودھ گیا کی صفائی کا خیال رکھنے کی ہدایت دی گئی ہے، dalai lama May visit bodh gaya in december
