بہار کے سابق وزیراعلیٰ اور ہم پارٹی کے قومی صدر جیتن رام مانجھی نے ایک بار پھر مرکزی سرکار پر حملہ کرتے ہوئے کہا کہ ویکسین کے سرٹیفیکیٹ پر اگر تصویر لگانے کا اتنا ہی شوق ہے تو کورونا سے ہورہی اموات کے ڈیٹھ سرٹیفکیٹ پر بھی تصویر لگائی جائے، یہی منصفانہ ہوگا۔
سابق وزیراعلیٰ مانجھی کے ٹویٹ کے بعد پارٹی کے قومی صدر دانش رضوان نے کہا کہ ہماری پارٹی کا ماننا ہے کہ اگر ویکسین کے سرٹیفکٹ پر وزیراعظم کی تصویر ہے تو ان کے ساتھ صدر جمہوریہ اور مقامی وزیراعلیٰ کی بھی تصویر ہونی چاہیے۔ اگر سرٹیفکٹ پر تصویر لگانے کا اتنا ہی شوق ہے تو جتنی موت کورونا سے ہوئی ہے، ان کے موت سرٹیفکیٹ پر بھی تصویر ہونی چاہیے۔
دراصل اتوار کے روز سابق وزیراعلیٰ نے ویکسین لینے کے بعد ٹویٹ کیا تھا کہ'' کو ویکسین کا دوسرا ڈوز لینے کے بعد مجھے سرٹیفکیٹ دیا گیا جس میں وزیراعظم کی تصویر لگی ہے۔ ملک میں آئینی اداروں کے جو ہیڈ صدر ہیں۔ ایسے میں صدر جمہوریہ کی تصویر ہونی چاہیے، ویسے تصویر لگانی ہیں تو صدر جمہوریہ کے علاوہ وزیراعظم اور مقامی وزیراعلیٰ کی بھی تصویر ہو۔
