'بہار میں جرائم کی شرح میں اضافہ '

راشٹریہ جنتا دل(آر جے ڈی) کے سنئیر رہنما عبدالباری صدیقی نے کہا ہے کہ بہار میں جرائم کی تعداد میں اضافہ ہوا ہے، لیکن برسر اقتدار افراد کو لگ رہا ہے کہ جرائم کی تعداد میں کوئی اضافہ نہیں ہوا ہے۔

عبدالباری سنئیر لیڈر صدیقی نے کہا کہ اگر حکومت کی تقابلی اعداد و شمار پر نگاہ ڈالیں گے تو ریاست میں سنجیدہ جرم یعنی لوٹ، قتل، جنسی زیادتی اور چوری کے واقعات میں غیرمعمولی اضافہ ہوا ہے۔

انہوں نے مزید کہا کہ برسراقتدارجماعت پر ایک ہی فارمولہ لاگو ہوتا ہے کہ ستہ مست، جنتا ترست (حکومت مست اور عوام بد حال)۔

عبدالباری صدیقی کا مزید کہنا ہے کہ برسراقتدار جماعت جس زاویہ سے چیزوں کو دیکھتی ہیں اس زاویہ سے حزب اختلاف نہیں دیکھ رہی ہے، بلکہ حزب اختلاف سب کو کچھ کو صاف شفاف طور پر دیکھ رہی ہے۔

انہوں نے کہا کہ یہاں خواتین بھی محفوظ نہیں ہے، دن کی روشنی میں بھی انہیں گھر سے نکلنے پر سوچنا پڑتا ہے۔

واضح رہے کہ آر جے ڈی رہنماء اتوار کے روز سپول پہنچے ۔اس دوران انہوں نے جرم کی تعداد میں ہوئے اضافے کے تعلق سے ریاستی حکومت کی سخت تنقید کی ۔