'ملک نازک دور سے گزر رہا ہے'

بہار کے ضلع دربھنگہ میں سی اے اے مخالف مظاہرے میں سابق مرکزی وزیر شرد یادو نے شرکت کرتے ہوئے کہا کہ 'ملک نازک دور سے گزر رہا ہے'-

ریاست بہار کے ضلع دربھنگہ کے بازار سمیتی جمال چوک پر شاہین باغ کی طرز پر چل رہے غیر معینہ مدت مظاہرے میں سابق مرکزی وزیر شرد یادو نے شرکت کرتے ہوئے کہا کہ 'ملک بہت نازک دور سے گزر رہا ہے، ملک کے حالات جتنے گزشتہ چھ برسوں میں خراب ہوئے ہیں، اتنے خراب ماحول گزشتہ 70 برس میں نہیں ہوئے۔

انہوں نے بی جے پی حکومت پر طنز کرتے ہوئے کہا کہ 'انہوں نے وعدہ کیا تھا کہ ہم کسانوں کی زندگی بدل دیں گے، ہر برس دو کروڑ بے روزگار لوگوں کو نوکری دیں گے۔ سب کا ساتھ، سب کا وکاس کے نعرے کے ساتھ سب کی ترقی کریں گے۔ باہر سے پیسے لائیں گے اور سب کے کھاتے میں 15 لاکھ روپے ڈالیں گے۔ لیکن انہوں نے کچھ نہیں کیا، بلکہ نوٹ بندی کی، جس سے آج تک پانچ سے ساڑھے پانچ کروڑ لوگ نوکری سے نکال دیے گئے۔'

ابھی تازہ معاملہ ٹیکسٹائل انڈسٹری کا ہے جہاں سے تین لاکھ لوگ نوکری سے باہر ہو گئے ہیں-

اس دوران اس بے مدت مظاہرے کی صدارت ڈاکٹر امامل حق امام نے کی اور اسٹیج پر شرد یادو کا پرخلوص استقبال کیا-

وہیں اس دوران کسیسر یادو، عتیق الرحمن، ارجن رائے، قمرے عالم، شبیر صاحب اور دیگر شخصیات نے بھی اپنی باتیں رکھیں-

بتا دیں کہ اس غیر معینہ مدت مظاہرے میں سیکڑوں کی تعداد میں مرد و خواتین سبھی لوگ شامل ہیں۔