بہار اسٹیٹ سنی وقف بورڈ نے بہار کے دارالحکومت پٹنہ میں انجمن اسلامیہ ہال کی نئی کثیرالمقاصد عمارت کے طور پر تعمیر کرنے کا فیصلہ کیا ہے۔ اس کے مکمل ہونے میں تاخیر ہو رہی ہے۔ ساتھ ہی مزار گلی راجا بازار میں ایک ہسپتال اور دینی ادارے کے علاوہ ہائی کورٹ مزار کے املاک کو توسیع دے کر زائرین کے لیے مسافر خانہ اور مارکیٹ کمپلیکس کی تعمیر کا فیصلہ کیا گیا ہے۔ ان تینوں عمارتوں کی تعمیر پر 70 کروڑ روپیے حکومت خرچ کر رہی ہے۔
بہار سنی وقف بورڈ کے چیئرمین ارشاد اللہ نے ای ٹی وی بھارت سے خصوصی بات چیت میں کہا کہ انجمن اسلامیہ ہال کی تعمیر آخری مرحلے میں ہے۔ کرونا وباء اور سیلاب کی وجہ سے اس کی تعمیر میں تاخیر ہو رہی ہے۔ آئندہ برس عید کی نماز یہاں ادا کی جائے گی۔
یہ بھی پڑھیں: گیا کے ڈی ایم نے سردی سے تحفظات کے مکمل انتظامات کا دعویٰ کیا
ارشاد اللہ نے کہا کہ مزار گلی میں ایک ہسپتال اور دینی ادارہ قائم کیا جائے گا۔ یہاں غریبوں کے لیے بہترین علاج کا نظم کیا جائے گا۔ انہوں نے کہا کہ ریاست کے کئی اضلاع میں رہائشی اسکول اور کثیرالمقاصد عمارت تعمیر کیے جارہے ہیں۔
انہوں نے کہا کہ بہار کے وزیر اعلی نتیش کمار نے ریاست کی تمام اضلاع میں اوقاف کے املاک کو فروغ دے کر وقف بورڈ کو خود کفیل بنانا چاہتے ہیں۔
