ملک میں گیس سلنڈر کی قیمت میں مسلسل ہورہے اضافے کے خلاف آج کانگریس کارکنان نے احتجاج کیا اور حکومت کے خلاف نعرے بازی کرتے ہوئے مرکزی حکومت پر شدید نکتہ چینی کی۔
اس احتجاج میں بڑی تعداد میں گھریلو خواتین شامل تھیں جو اپنے ہاتھوں میں گیس سلنڈر کے ساتھ تختیاں لیے ہوئیں تھیں جس پر مہنگائی کو واپس لینے کا مطالبہ کیا گیا تھا۔
اس تعلق سے کانگریس کے ترجمان پروفیسر وجے کمار میٹھو نے کہا کہ 'بی جے پی اقتدار کے نشے میں عوام اور جمہوریت کا گلا گھونٹ رہی ہے،' حکومت کو اپنے چہیتوں کی فکر تو ہے لیکن غریب مزدور، کسان، اور بے روزگاروں کی فکر نہیں ہے۔'
انہوں نے کہا کہ حکومت کا کوئی ایسا شعبہ نہیں ہے جہاں کھلے عام بدعنوانی نہیں ہورہی ہے۔ ملک میں مہنگائی مسلسل بڑھ رہی ہے لیکن بی جے پی کے رہنما اس مسئلے پر بولنے سے پرہیز کررہے ہیں۔
وجے کمار نے کہا کہ 'منموہن سنگھ کی حکومت گیس سلنڈر کی قیمت چار سو کچھ روپے پر چھوڑ کر گئی تھی تاہم آج نریندر مودی کی حکومت محض سات سال میں ہزار روپے کی قیمت تک پہنچادیا ہے۔
وہیں مقامی وارڈ پارشد نے کہا کہ ملک بھر میں کانگریس پارٹی مرحلہ وار طور پر تحریک چلارہی ہے جب تک حکومت گھریلو گیس کی قیمتوں میں ہوئے اضافے کو واپس نہیں لیتی تب تک احتجاج جاری رہے گی۔
احتجاج میں موجود ایک خاتون نے کہا کہ مودی حکومت میں گیس سلنڈر خریدنا مشکل ہوگیا ہے یہی حال رہا تو پھر سے لکڑی پر کھانا بنانا ہوگا۔
