ریاست بہار کے بھاگلپور میں ناگرک سیوا سمیتی کے جانب سے لویل پبلک اسکول میں مولانا محمد علی کے عنوان پر ایک تقریری پروگرام کا انعقاد کیا گیا، جس میں بچوں نے اپنے بہترین کارکردگی کے ساتھ اپنے علمی صلاحت کا بھی زبردست مظاہرہ کیا۔
پراگرام کے آخر میں ناگرک سیوا سمیتی کے جانب سے بہتر کارکردگی کا مظاہرہ کرنے والے بچوں اور بچیاں کو اسناد سے نوازا گیا۔
اس موقع پر خادم اردو حبیب مرشد خان جو احمدآباد سے تشریف لائے ہوئے تھے، اور سماجی کارکن محمد ولی نے کہا کہ آج بچوں کو عصری تعلیم دینے کے ساتھ ساتھ اردو کی خصوصی تعلیم دینے کی ضرورت ہے، کیونکہ اردو ایک شیریں زبان ہے، جس میں ہمارے اسلاف کے قربانیوں کے زیادہ مواد موجود ہیں ،لہذا طلباء و طالبات کو اس طرف خاص توجہ دینے کی ضرورت ہے۔
وہیں ناگرک سیوا سمیتی کے تعلق سے بات کرتے ہوئے رضوان خان نے کہا کہ ہماری ٹیم پچھڑے علاقوں اور چھوٹے چھوٹے اسکولوں میں اس طرح کے پروگرام کا انعقاد کرتا ہے جس سے ہمارے مجاہد آزادی کے بارے میں بچوں کو بیدار کیا جا سکے۔
