بہار اسمبلی انتخابات 2020 کے لئے وزیراعلیٰ نتیش کمار تیجسوی یادو پر مسلسل تنقید کررہے ہیں۔
انہوں نے کہا کہ آج ناتجربہ کار لوگ وزیر اعلی بننے کا دعویٰ کر رہے ہیں۔
وزیراعلیٰ بیگوسرائے ضلع تیگھڑا میں ایک جلسہ عام سے خطاب کرتے ہوئے کے لالو پرساد یادو کے دورِ حکومت پر بھی تنقید کی۔
انھوں نے کہا لالو نے اپنے دورا قتدار میں تعلیم کے لیے کوئی کام نہیں کیا، کوئی اسکول کالج نہیں کھولا۔
وہیں تیگھڑا کے بعد وزیراعلیٰ صاحب پور کمال اسمبلی حلقہ پہنچے۔ یہاں انہوں نے جے ڈی یو امیدوار ششی کمار ششی کے حق میں انتخابی اجلاس سے خطاب کیا۔
خطاب کے دوران وزیر اعلی نتیش کمار نے تیجسوی کا نام لیے بغیر ان پر تنقید کی۔
مزید پڑھیں:حالیہ انتخابات اور 2015 کے اسمبلی انتخابات کے نتائج پر ایک نظر
انہوں نے کہا کہ آج ناتجربہ کار لوگ وزیر اعلی بننے کا دعویٰ کر رہے ہیں ، جب کہ ان کے پاس کوئی تجربہ نہیں ہے۔
ساتھ ہی انہوں نے کہا کہ صرف تشہیر اور میڈیا میں رہنے کے لئے ، وہ نتیش کمار کے خلاف بیان بازی کرتے رہتے ہیں۔ جب کہ وہ بہار کی ترقی چاہتے ہیں۔
