Central University of South Bihar alumni ساؤتھ بہار سینٹرل یونیورسٹی کے سابق طلباء کی تقریب کا انعقاد

گیا ضلع میں واقع ساؤتھ بہار سینٹرل یونیورسٹی میں سابق طلبہ اعزازیہ تقریب منعقد ہوئی۔اس میں طلباء نے پرانی یادوں کا اظہار کیا اور کہا کہ مادر علمی کے احسانوں کو فراموش نہیں کیا جاسکتا ہے کہ آج یہاں سے اُنہوں نے جو حاصل کیا اس سے وہ ملک کی ترقی میں نمایاں کردار ادا کریں گے۔ Central University of South Bihar alumni event

گیا: ساؤتھ بہار سینٹرل یونیورسٹی گیا کے شعبہ بائیو ٹیکنالوجی میں سابق طالب علموں کی تقریب منعقد ہوئی، شعبہ کے سابق ہیڈ رضوان الحق نے طلباء و طالبات کو مبارک باد پیش کرتے ہوئے کہا پاس آوٹ ہونے کے بعد آپکی زمہ داری بڑھ گئی ہے اور آپ معاشرے کے کمزور طالب علموں کی مدد کریں تاکہ وہ بھی آگے بڑھ سکیں ۔انہوں نے سابق طلباء کو ان کی تعلیمی کامیابیوں پر مبارکباد دی اور ان پر زور دیا کہ وہ اپنی ترقی اور روشن مستقبل کے ساتھ اپنے جونیئرز کی مدد اور رہنمائی کریں۔

ڈاکٹر جاوید احسن نے طلباء کو شعبہ کے ' اولڈ شعبہ ایسو سی ایشن ' اور اس کی سرگرمیوں کے بارے میں بتایا۔ انہوں نے سابق طلباء پر زور دیا کہ وہ یونیورسٹی کے اولڈ ایسوسی ایشن کے تاحیات ممبر بنیں تاکہ وہ شعبہ اور یونیورسٹی سے بہتر طور پر جڑے رہیں۔ انہوں نے تعلیمی زندگی میں مزید کامیابیاں حاصل کرنے کے لیے دوسرے طلباء کی ہر ممکن مدد اور رہنمائی کرنے کی درخواست کی۔

یونیورسٹی کے پی آر او محمد مدثر عالم نے بتایا کہ سابق طلباءکا ملاقات اور اعزازیہ پروگرام کا اہتمام شعبہ بائیو ٹیکنالوجی کے ہیڈ پروفیسر درگ وجے سنگھ کی نگرانی میں کیا گیا جس میں سابق طلباء نے اپنی یادوں کو ترو تازہ کیا ۔ سابق طلباء کے پروگرام میں شعبہ کے موجودہ طلباء اور پروفیسرز کے ساتھ ساتھ سابق طلباء نے بھی شرکت کی اور اپنے خیالات کا اظہار کیا ،واضح ہوکہ اس شعبہ کی ایک طالبہ فرزانہ نوشین کو گزشتہ روز یونیورسٹی کی تقسیم اسناد تقریب میں صدر جمہوریہ ہند درپتی مرمو کے ہاتھوں میڈل اور ڈگری سے نوازا گیا تھا۔