مرکزی حکومت نے حال ہی میں الہ آباد بینک کو انڈین بینک میں انضمام کر دیا تھا اسی کو لے کر الہ باد بینک کے ملازمین نے کینڈل مارچ نکالا۔ کینڈل مارچ سرکٹ ہاوس کے سامنے واقع الہ باد بینک سے نکل کر گاندھی میدان ہوتے ہوئے واپس بینک پہنچ کر اختتام پذیر ہوا۔ اس مارچ میں الہ باد بینک کے سبھی شاخوں کے ملازمین شامل ہوئے۔
مدھو شریواستو ایچ آر منیجر ڈیویزن دفتر نے کہا کہ الہ آباد بینک بہت پرانا ہے اور اس قدیم بینک کے انضمام سے بینکوں کے تئیں صارفین کے اعتماد میں کمی واقع ہوگی۔ سنہ 1865 کے اس بینک کے انضمام سے بینک کو اقتصادی بحران کاسامنہ کرنا پڑیگا۔
انہوں نے مرکز کی پالیسیوں کی تنقید کرتے ہوئے کہا کہ جس طرح سے ملک کے نوجوان ملک کی حفاظت کے لئے جدوجہد کرتے ہیں اسی طرح معاشی حالت کو سدھارنے کے لئے بینک ملازمین جدوجہد کرتے ہیں۔ انہوں نے بینک کے انضمام کے خلاف آگے لائحہ عمل پر کہا کہ انڈین یونین کی ہدایت پر مظاہرے کئے جائیں گے۔
