Professor Badruddin Shabnam Passed Away بھاگلپور کی معروف شخصیت پروفیسر بدرالدین شبنم سپردِ خاک

پروفیسر بدر الدین شبنم کو یاد کرتے ہوئے تاراپور کالج کے پروفیسر شاہد جمال رزمی کہتے ہیں کہ وہ اردو کے پروفیسر ضرور تھے لیکن انہیں انگریزی، فارسی اور عربی زبانوں پر بھی دسترس حاصل تھا اور ان کا انتقال ادبی حلقہ کے لیے ایک سانحہ سے کم نہیں ہے۔A large number of people participate in the funeral prayer

ریاست بہار کے ریشمی شہر بھاگلپور کی معروف شخصیت اور تلکا مانجھی یونیورسٹی پی جی اردو کے سابق شعبہ صدر پروفیسر بدر الدین شبنم کو ہزاروں لوگوں نے نم آنکھوں سے الوداع کیا۔ ان کی نماز جنازہ میں مقامی لوگوں کے علاوہ شعراء، ادباء، کالج کے اساتذہ، اردو اسکولز کے اساتذہ کے علاوہ کثیر تعداد میں ان کے شاگرد وغیرہ موجود تھے۔

پروفیسر بدرالدین شبنم کی عمر 75سال تھی ان کے انتقال سے ادبی دنیا سے تعلق رکھنے والے لوگ مایوس ہیں۔ ان کے انتقال پر رنج کا اظہار کرتے ہوئے ڈاکٹر حبیب مرشد نے اسے شہر بھاگلپور کے لیے ایک بڑا خسارہ قرار دیا۔ اس موقع پر شیعہ وقف کمیٹی کے سکریٹری ذی جاہ حسین نے افسو س کا اظہار کرتے ہو ئے کہا کہ وہ خلیق اور ملنسار انسان تھے۔ ہمیشہ بڑے اور چھوٹوں کے مر تبے کا خیال رکھتے تھے۔