گیا ریل ڈویژن کے سہسرام اسٹیشن پر ٹرین نمبر 18636 'سہسرام رانچی انٹر سٹی اکسپریس' ٹرین کو صبح تین بج کر 55 منٹ پر پھولوں سے سجی ٹرین کے گارڈ کا اسٹیشن ماسٹر نے استقبال کیا۔
اس کے بعد رکن پارلیمان چھیدی پاسوان نے ہری جھنڈی دکھا کر اس نئی ٹرین کو روانہ کیا۔ اس موقع پرچھیدی پاسوان نے کہا کی مقامی لوگوں کے مطالبات کو دھیان میں رکھ کر اس ٹرین کو ڈہری کے بجائے سہسرام سے چلایا گیا ہے۔
انہوں نے مزید کہا کہ سہسرام کے لوگوں کا کاروبار رانچی سے زیادہ ہوتا ہے۔ سہسرام شہر شیرشاہ سوری کی قیام گاہ بھی رہا ہے ۔شیر شاہ کا مقبرہ و دیگر زیارت گاہ بھی یہاں ہے اس لیے اس نئی ٹرین کی شروعات کرنے سے یہاں سیاحوں کی آمد میں بھی اضافہ ہوگا۔
