پٹنہ : ریاست بہار کے قانون ساز اسمبلی میں سابق وزیراعلیٰ اور مجاہد آزادی عبدالقیوم انصاری کی برسی کے موقع پر منعقدہ تقریب کے دوران بی جے پی کے رہنماوں نے اقلیتی طبقے کی ترقی اور فلاح و بہبود کے کاموں کو لے کر اہم بات کہی ۔
اسی درمیان بی بی جے پی کے رکن اسمبلی ڈاکٹر سنجے پاسوان نے کہا کہ وزیراعظم نریندر مودی بہت پہلے کہہ چکے ہیں سب کا ساتھ سب کا وکاش کی بدولت ملک آگے بڑھے گا۔ہم وزیراعظم کی باتوں پر عمل کرتے ہوئے ان کے خوابوں کو حقیقت میں بدلنے کی کوشش کر رہے ہییں۔
انہوں نے کہاکہ خطہ افلاس سے نیچے زندگی گزارنے والے ان لوگوں تک بھی پہنچیں گے جنہیں بریانی نصیب نہیں ہوتی، ایک سوال کے جواب میں کہ بھاجپا حیدرآبادی بریانی کی نقل کر رہی ہے، ہم لوگ حیدرآبادی بریانی نہیں بلکہ پٹنہ کی بریانی مسلمانوں کے ساتھ مل کر کھائیں گے.
یہ بھی پڑھیں:Bhagalpur Deputy Collector Komal Kiran اردو کی چاشنی کبھی اس کو زوال پذیر نہیں ہونے دے گی
ڈاکٹر سنجے پاسوان نتیش کمار کے ذریعہ خصوصی ریاست کا درجہ مطالبہ کئے جانے پر کہا کہ مرکزی حکومت ہمیشہ سے بہار کو ترجیحی دیتی رہی ہے، مودی حکومت نے بہار کو کیا نہیں دیا، کل تک نتیش کمار ہمارے ساتھ تھے تو بہار میں ترقی ہو رہا تھا۔ آج علیحدگی اختیار کرنے کے بعد مرکزی حکومت کو بدنام کرنے کی کوشش کر رہے ہیں کہ بہار میں ترقیاتی کام نہیں ہوئے جبکہ صحیح بات یہ ہے کہ بہار میں کی ترقی میں مرکزی حکومت کا مکمل تعاون ملتا رہا ہے.
