بہار کے وزیر زراعت سدھاکر سنگھ اپنے محکمہ کی جانب سے اور مشہور ادارہ فکی کے اشتراک سے بایو فورٹیفیکشن کے موضوع پر منعقدہ ورکشاپ سے خطاب کر رہے تھے. ورکشاپ میں ملک بھر کے زرعی سائنسداں اور فکی کے سینئر افسران کے علاوہ محکمہ زراعت کے بھی سینئر افسران موجود تھے.Bhar Minister Sudhakar Singh Criticises Govt Officers
وزیر زراعت نے کہا کہ افسران کی عدم توجہی اور ان کے غیر ذمہ دارانہ رویہ سے ریاست میں کسانوں کا برا حال ہے۔انہیں اپنی فصلوں کی پیداوار کے عوض مناسب قیمت حاصل نہیں ہو پاتی ہے. ایم ایس پی کا فائدہ بھی عام کسانوں کو نہیں مل پاتا ہے، بلکہ دلالوں کے ذریعہ حکومت کے فنڈ کا خرد برد کر دیا جاتا ہے۔
وزیر زراعت کا درد کسانوں کے سلسلے میں چھلک پڑا، انہوں نے کہا کہ بہار میں اب مسلسل زرعی روڈ میپ نافذ ہے اور چوتھے روڈ میپ کی تیاری چل رہی ہے، لیکن اس کا خاطر خواہ فائدہ کسانوں کو نہیں مل سکا، حکومت کے ذریعہ ناقص قسم کے بیج بازار میں فراہم کیا جا رہا ہے، جو کسانوں کو پسند نہیں ہے اور وہ اچھے بیج کے لئے دردر بھٹکنے پر مجبور ہیں.
یہ بھی پڑھیں:Haj Training in Bihar Haj Committee حکومت بہار حج بیداری اور حاجیوں کی بہتر سہولیات کے لئے عہد پابند
وزیر زراعت نے مزید کہا کہ جب حکومت بہتر قسم کا بیج دستیاب نہیں کرائے گی تو خراب بیج کسان کیوں لیں گے. خراب فصلوں کی پیداوار کے سبب عام لوگوں کو صحیح مقدار میں لازمی اشیاء خوراک کے طور پر دستیاب نہیں ہو پا رہی ہے۔
