ریاست بہار کے ضلع لکھی سرائے کے ہلسی تھانہ علاقے کے ہلسی گاؤں میں ایک ٹرک نے درجنوں افراد کو روند دیا ہے جس میں آٹھ لوگوں کی موت ہوگئی ہے، جبکہ پانچ افراد زخمی بتائے جارہے ہیں۔
زخمیوں کو وہاں کے قریبی ہسپتال میں داخل کرادیا گیا، جہاں ان کا علاج چل رہا ہے۔
اطلاع کے مطابق ہلسی تھانہ ہلسی بلاک کے قریب دکھی مانجھی کے گھر شادی تھی، جہاں موجود باراتیوں کو ایک تیز رفتار ٹرک روندتے ہوئے نکل گیا اور ٹرک نے بجلی کے کھمبے کو بھی زوردار ٹکر مارا، جس کی وجہ سے پول گرگیا۔
اس حادثے میں سات افراد کی موقع پر ہی موت ہوگئی، جبکہ ایک شخص نے علاج کے دوران زخمو کی تاب نہ لاکر دم توڑ دیا، جبکہ پانچ لوگوں کا علاج ہسپتال میں جارہ ہے۔
حادثے کے بعد مشتعل عوام نے لکھی سرائے اور سکندرا شاہراہ کو جام کردیا، موقع پر پہنچی پولیس اور انتظامیہ حکام نے لوگوں کو امن و امان بنائے رکھنے کی درخواست کی۔
