بہار کے اسمبلی حلقہ موہنیاں میں ایک انتخابی ریلی سے خطاب کرتے ہوئے ریاست کے نائب وزیراعلی سشیل مودی نے کہا کہ 'اگر عوام ریاست کی ترقی چاہتے ہیں تو نرنجن رام کو جتانا ہوگا۔'
انھوں نے موہنیاں کی عوام سے بی جے پی کے امیدوار نرنجن رام کو دوبارہ جتانے کی اپیل بھی کی۔
انھوں نے ریاست کی عوام سے پوچھا کہ 'کیا آپ لالو رابڑی کا 15 سالہ جنگل راج چاہتے ہیں، کیا آپ ترقیاتی دھارے کو چھوڑ کر لالٹین کے دور میں واپس جانا چاہتے ہیں'؟
سشیل مودی نے بہار میں نتیش کمار کی سربراہی میں جاری ترقیاتی کاموں کے بارے میں روشنی ڈالتے ہوئے کہا کہ بہار تیزی سے ترقی کی طرف گامزن ہوا ہے۔
انہوں نے کہا کہ لالو یادو کے دور حکومت میں عارضی اساتذہ کو 1500 روپے ماہانہ ملتے تھے لیکن آج کورونا کا دور ہونے کے باوجود ان اساتذہ کی تنخواہ میں 20 فیصد اضافہ کیا گیا۔
