' مزدوروں کو روزگار مہیا کرانے کی پہلے سے تیاریاں کریں'

ریاست بہار کے وزیراعلیٰ نتیش کمار نے ریاست کے تمام محکموں کو غیر مقیم مزدوروں کے لیے روزگار مہیا کرانے کی تیاری کرنے کی ہدایت دی ہے۔

وزیراعلیٰ نتیش کمار نے ریاست کے چیف سکریٹری اور دیگر اعلی افسران کے ساتھ کورونا کے تعلق سے کیے جا رہے کاموں جائزہ لیا۔

اس دوران انہوں نے کہا کہ دیگر ریاست سے بڑی تعداد میں غیر مقیم مزدوروں کی واپسی ہو رہی ہے۔ تمام محکموں کو یہ یقینی بنانا ہوگا کہ ان مزدوروں کا ہنر سروے کے مطابق حاصل تفصیلات کے مطابق انکے لیے روزگار مہیا کرائیں۔

' مزدوروں کو روزگار مہیا کرانے کی پہلے سے تیاریاں کریں'

وزیراعلیٰ نے افسران کو ہدایت دیتے ہوئے کہا کہ بلاک سطح پر قائم قرنطینہ مراکز میں متعینہ معیار کے مطابق بہتر نظم رکھیں تاکہ وہاں مقیم لوگوں کو کوئی مسئلہ نا ہو۔ ساتھ ہی پنچایت سطح قائم قرنطینہ مراکز کو بھی اپگریڈ کر بلاک سطح پر قائم قرنطینہ مراکز کی طرح منظم کریں۔وزیراعلیٰ نے افسران کو ہدایت دیتے ہوئے کہا کہ کورونا انفیکشن کو روکنے کے لئے رینڈم جانچ کو یقینی بنائیں۔ اس کے لیے قبل میں دئیے گئے ہدایت کے مطابق سبھی اضلاع میں جانچ جلد از جلد شروع کی جائے، اس کے لئے تمام ضلع ہسپتالوں میں ٹونیٹ کٹ کی موجودگی کو یقینی بنایا جائے۔ اس کے لئے بہترین تربیت کا نظم کریں اور جانچ معیاری ہو اس کا خیال رکھیں۔نتیش کمار نے کہا کہ متاثرہ علاقوں کی نشاندہی کورونا کی زنجیر کو توڑنے کے لئے جائزہ لیتے رہیں تا کہ کوئی کنٹریکٹ ٹریسنگ چھوٹے نہیں۔