ریاست بہار کے وزیر اعلی نتیش کمار نے چیف سیکریٹری دیپک کمار اور ڈی جی پی گپتشور پانڈے کو ہدایت کی ہے کہ وہ تمام ضلع مجسٹریٹ اور ایس پی کے ذریعے یہ یقین دہانی کرائی جائے کہ کورونا انفیکشن سے متعلق کسی طرح کی افواہ نہ پھیلے۔ لوگوں میں کسی طرح کا خوف نا ہو۔ ساتھ ہی فرقہ وارانہ ہم آہنگی قائم رہے۔ پولیس افسران کی یہ ذمہ داری ہے کہ اس کو یقینی بنائیں۔
وزیر اعلی نتیش کمار نے ریاست کے عوام سے اپیل کی ہے کہ وہ افواہوں پر توجہ نہ دیں۔ اتحاد اور بھائی چارہ قائم رکھیں۔ مجھے یقین ہے کہ ہم تمام لوگ متحد ہوکر اس اس وباء سے لڑنے میں کامیاب ہوں گے۔
