ریاست بہار کے ضلع گیا میں مولانا آزاد ایجوکیشن فاؤنڈیشن Maulana Azad Education Foundation in Gaya کے ذریعے دیے جانے والی اسکالرشپ 'بیگم حضرت محل' اسکالرشپ کے درخواست دہندگان کی تحقیقات کی جارہی ہے۔
نیشنل اسکالرشپ پورٹل National Scholarship Portal پر اپ لوڈ درخواست کے مطابق اسکول اور طالبات کے کاغذات کی جانچ ہورہی ہے۔ اس کے لئے ضلع اقلیتی فلاح افسر کو نوڈل افسر منتخب کیا گیا ہے۔ ان کے ذریعے ہی درخواست کی جانچ پڑتال ہوگی۔
دراصل پری میٹرک اور پوسٹ میٹرک اسکالرشپ کے درخواست دہندگان کی تحقیقات نیشنل اسکالرشپ پورٹل National Scholarship Portal پر کی جاتی ہے۔ اس مرتبہ بیگم حضرت محل اسکالرشپ کی بھی جانچ نیشنل اسکالرشپ پورٹل پر ہوگی اور پیسے دینے کی کارروائی بھی پری میٹرک اور پوسٹ میٹرک کے طرز پر ہوگی۔
بیگم حضرت محل اسکالرشپ کے تحت کلاس نو سے بارہوی تک میں پڑھنے والی طالبات کو وظیفہ کی رقم دی جاتی ہے۔ کلاس 9 اور 10 کی طالبات کو 6 ہزار روپے ملتے ہیں۔ ضلع گیا سے تقریباً بیس ہزار طالبات نے نیشنل اسکالرشپ پورٹل پر اس وظیفہ کے لیے درخواست دی ہے، جس کی جانچ کی کارروائی شروع کی گئی ہے۔ Begum Hazrat Mahal Scholarship Verification
اس کے لیے محکمہ اقلیتی فلاح پٹنہ کی طرف سے سبھی ضلع کے افسران کو لیٹر بھیجا گیا ہے اور اس کے جانچ سے متعلق ہدایت دی گئی ہے۔ اس سلسلے میں ڈسٹرکٹ اقلیتی فلاح افسر جتیندر کمار نے بتایا کہ مرکزی حکومت کی ہدایت پر بہار اقلیتی فلاح دفتر کی طرف سے لیٹر موصول ہوا ہے، وریفیکشن کا کام تیزی کے ساتھ ہوگا۔ Begum Hazrat Mahal Scholarship
یہ بھی پڑھیں: Minority Protsahan Scholarship: مائنارٹی پروتساہن اسکیم کے تئیں گیا کے اسکولز و کالجز کی عدم دلچسپی
انہوں نے مزید بتایا کہ بیگم حضرت محل اسکالرشپ کی رقم مرکزی اقلیتی فلاح محکمہ نے نیشنل اسکالرشپ پورٹل سے منسلک کردیا ہے۔ اس کی شرائط کے مطابق درخواست دہندگان کی درخواست کو منظور کیا جائے گا۔ Begum Hazrat Mahal Scholarship Portal
