وہیں ہلکی بارش اور گرج چمک کے ساتھ خطہ سیمانچل کے ارریہ ،پورنیہ، کٹیہار، کشن گنج سمیت نوادہ، جہان آباد، ارول، بھوج پور، سیوان، سارن، گوپال گنج، ویشالی، مغربی و مشرقی چمپارن، جموئی، بانکا، مونگیر، بیگوسرائے اور کھگریا میں تیز ہواؤں کے ساتھ بارش کا امکان ہے. محکمہ موسمیات نے لوگوں سے گھروں کے اندر رہنے کی اپیل کی ہے.
محکمہ موسمیات کے مطابق مانسون کی اس طرح کی سرگرمی تقریباً 12 سالوں بعد دکھائی دے رہی ہے، اس سے قبل بہار میں مانسون داخل ہونے کے 4 سے 5 دن بعد اس کا اثر پٹنہ و اطراف کے علاقوں میں نظر آتا تھا۔ مگر اس دفعہ قبل از وقت ہی مانسون کے بہار میں دستک دینے کے ساتھ ہی اپنا رنگ دکھا رہا ہے. خطہ سیمانچل میں مسلسل ہو رہی بارش کی وجہ سے دن کے ساتھ رات کے درجہ حرارت میں بھی 12 سے 13 ڈگری سینٹی گریڈ گر گیا ہے.
مزید پڑھیں :تلنگانہ میں آئندہ چار دنوں تک تیز بارش کا امکان
محکمہ موسمیات الرٹ جاری کرتے ہوئے مزید کہا کہ بلو الرٹ کا مطلب یہ ہے کہ بہار کے تمام اضلاع میں گرج چمک کے ساتھ 15 سے 40 ملی میٹر بارش کا امکان ہے اور اس دوران 12 سے 28 کلو میٹر فی گھنٹہ کی رفتار سے ہوائیں چل سکتی ہیں، علاوہ ازیں زیادہ نمی کی وجہ سے امس بھری گرمی کا اثر بھی دیکھا جا سکتا ہے. مانسون کے سیزن میں یہ بارش 30 ستمبر تک ہونے کا امکان ہے۔
