بتایا جا رہا ہے کہ تاجر سیل کے صدر پر سرکاری وہاؤس گارڈ رکھنے کے عوض میں پولیس کا ایک کروڑ پچیس لاکھ 33 ہزار چار سو 35 روپے بقایا ہے جس کی ادائگی نہیں کی جانے کی صورت میں ایس پی دھورت نے ان پر مقدمہ درج کرایا ہے
ارریہ کے اے ڈی ایم انیل کمار ٹھاکر نے کہا کہ 'ارریہ پولس کپتان دھورت سائلی کے ذریعہ ایک سرٹیفکیٹ کیس دائر کیا گیا ہے۔جس میں رقم ادا نہ کرنے سے متعلق شکایت درج کرائی گئی ہے، جس کے بعد تاجر سیل کے ضلع صدر مول چند گولچھا کو نوٹس بھیجا جائے گا۔
ان کا کہنا ہے کہ اگر انہوں نے نوٹس کا جواب نہیں دیا تو پھر وارنٹ بھی جاری کیا جائے گا، کیونکہ سرکاری گارڈ کا استعمال کر روپے جمع نہ کرنے سے دیگر لوگوں میں ایک منفی پیغام جائے گا'
وہیں اس معاملے پر مول چند گولچھا نے کہا کہ ' ان پر غلط طریقے سے مقدمہ درج کیا گیا جبکہ ضلع حفاظتی یونین کی جانب سے ہی مجھے مفت حفاظتی گارڈ مہیا کرایا گیا تھا، جس کے کاغذات بھی میرے پاس ہیں۔
انہوں نے کہا کہ 'ضلع انتظامیہ کی جانب سے اگر مجھے کسی طرح کا کوئی نوٹس ملتا ہے تو میں اس کا جواب دوں گا، میں پیچھے ہٹنے والوں میں سے نہیں ہوں، میں نے کوئی غلط کام نہیں کیا ہے۔'
اطلاع کے مطابق درج کیے مقدمے کے مطابق مولچند گولچہ کو مقررہ مدت کے اندر رقم جمع کرنے کو کہا گیا ہے۔
