بہار اسمبلی انتخاب میں اس بار آل انڈیا مجلس اتحاد المسلمین پارٹی بھی پورے دم خم کے ساتھ میدان میں اتری ہے۔ ضلع ارریہ میں پہلی بار اس انتخاب میں ایم آئی ایم نے تین جگہ سے اپنے امیدوار کو میدان میں اتارا ہے۔ جن میں جوکی ہاٹ، ارریہ اور رانی گنج شامل ہے۔
جوکی ہاٹ سے شاہنواز عالم، رانی گنج سے اشوک منڈل اور ارریہ اسمبلی حلقہ سے راشد انور امیدوار کے طور پر سامنے ہیں۔ راشد انور ایم آئی ایم ارریہ کے ضلع صدر بھی ہیں۔
اس کے بعد یہاں کے عوام نے لالو ، رابڑی کو بھی اقتدار میں دیکھا، جسے جنگل راج کے نام سے جانا جاتا ہے، اس کے بعد گزشتہ پندرہ برسوں سے نتیش حکومت کو بھی یہاں کے عوام نے موقع دے کر دیکھ لیا۔لیکن آج بہار کی کیا صورت حال ہے یہ جگ ظاہر ہے. بے روزگاری، بدعنوانی، لوٹ مار، ڈکیتی، عصمت دری، افسر شاہی شباب پر ہے۔ کسان خود کشی کرنے پر مجبور ہے۔
راشد انور نے مزید کہا کہ بہار گزشتہ تیس برس میں جس تنزلی کا شکار ہوا ہے وہ ایک تاریخ کا حصہ بن گیا ہے۔ یہاں راجد کانگریس اور بی جے پی جے ڈی یو نے مل کر عوام کو بے وقوف بنایا ہے۔ دونوں نے ایک دوسرے کا ڈر دیکھا کر ووٹ بینک کی سیاست کی ہے، لیکن ہم اس سے برعکس ہے۔ ہماری منشاء سیکولر کے نام پر سیاست کرنے والی ایسی پارٹیوں سے بہار کی عوام کو نجات دلانا ہے۔ ہمارا موضوع روزگار ، تعلیم، سڑک، پل پلیا اور صحت ہے۔ امید ہے یہاں کی عوام اب ذات برادری سے اوپر اٹھ کر ووٹ کرے گی۔
