پٹنہ: ملک کا معروف صنعتی گروپ، اڈانی گروپ بہار میں 8700 کروڑ روپے کی سرمایہ کاری کرنے کی تیاری کر رہا ہے اڈانی انٹرپرائزز کے ڈائریکٹر پرنو اڈانی نے جمعرات کو 'بہار بزنس کنیکٹ-2023' کانفرنس میں اپنے خطاب میں کہا کہ، اڈانی گروپ۔ بہار میں لاجسٹک، گیس ڈسٹری بیوشن اور زرعی لاجسٹکس کے شعبے میں موجود ہے۔ اس میں تقریباً 850 کروڑ روپے کی سرمایہ کاری کی گئی ہے اور اس میں تقریباً تین ہزار روزگار کے مواقع پیدا ہو سکتے ہیں۔ یہی نہیں، گروپ بہار میں سرمایہ کاری کو 10 گنا بڑھا کر 8700 کروڑ روپے کرنے کی تیاری کر رہا ہے۔ اس کے علاوہ تین اضافی شعبوں میں سرمایہ کاری ہوگی اور اس سے 10 ہزار بالواسطہ اور بلاواسطہ روزگار کے مواقع پیدا ہوں گے۔
مسٹر اڈانی نے کہا کہ گروپ گودام کی جگہ کو ایک لاکھ مربع فٹ سے 65 لاکھ مربع فٹ تک بڑھانے کے لیے 1,200 کروڑ روپے کی سرمایہ کاری کرے گا۔ پٹنہ میں دو بڑے گودام ہوں گے اور اس سے 2000 لوگوں کو روزگار کے مواقع ملیں گے۔ اس کے علاوہ چھ مقامات پورنیہ، بیگوسرائے، دربھنگہ، سمستی پور، کشن گنج اور ارریہ میں اپنے ذخیرہ کرنے کی صلاحیت کو 1 لاکھ 50 ہزار میٹرک ٹن سے بڑھا کر 2 لاکھ 75 ہزار میٹرک ٹن کرنے کے لیے ایگری۔ لاجسٹکس میں 900 کروڑ روپے کی سرمایہ کاری کی گئی ہے۔ اس سے 2000 افراد کو روزگار بھی ملے گا۔
یہ بھی پڑھیں:بجلی کی بڑھتی قیمتوں اور اڈانی گروپ پر راہل کا وزیر اعظم سے سوال
ڈائریکٹر نے کہا کہ، گیا اور نالندہ میں اپنے موجودہ سٹی گیس ڈسٹری بیوشن نیٹ ورک کو بڑھانے کے لیے 200 کروڑ روپے کی سرمایہ کاری کی جائے گی۔ یہ گروپ ایک نیا کمپریسڈ بائیو گیس پلانٹ اور الیکٹرک وہیکل (ای) چارجنگ سینٹر بھی بنائے گا اور 1500 افراد کو روزگار فراہم کرے گا۔ انہوں نے کہا کہ اڈانی ولمر کو بھی بہار لایا جا رہا ہے۔ ابتدائی مرحلے میں، آٹا چکی پلانٹ، آر ایف ایم پلانٹ، سالوینٹ ایکسٹرکشن پلانٹ، کو-جن پاور پلانٹ کے ساتھ ساتھ سہسرام اور روہتاس میں پیڈی پروسیسنگ پلانٹس کی تعمیر کے لیے 800 کروڑ روپے کی سرمایہ کاری کی جائے گی۔ اس پلانٹ سے 200 افراد کو روزگار ملے گا۔
( یواین آئی )
