ریاست بہار کے ضلع کیمور میں لاک ڈاؤن کے دوران اینٹ اور پتھروں سے کچل کر ایک نوجوان کو ہلاک کیے جانے کا معاملہ سامنے آیا ہے۔
یہ معاملہ موہنیاں تھانہ حلقہ کا ہے۔ ہلاک شدہ نوجوان کا نام ویجیندر کمار بتایا جاتا ہے۔
اطلاعات کے مطابق موہنیاں تھانہ حلقہ کے سرائے محلہ میں تعمیر ہو رہے مکان میں مقامی لوگوں کے ذریعہ ایک نوجوان کی لاش دیکھی گئی جس کی اطلاع لوگوں نے موہنیاں پولیس کو دی۔
اطلاع ملنے پر ایس ڈی پی او موہنیاں پولیس موقع پر پہنچی اور لاش کو اپنے قبضہ میں لے کر بھبھوا صدر ہسپتال میں پوسٹ مارٹم کے لیے بھیج دیا ہے۔
بتایا جاتا ہے کہ لاش کو کسی نامعلوم جراٸم پیشہ افراد کے ذریعہ اینٹ اور پتھروں سے اتنا بے رحمی سے کچل کچل کر ہلاک کیا گیا ہے کہ اس کی شکل بھی پہچان میں نہیں آرہی ہے۔
موقع پر پہنچی پولیس نے جب تلاشی لی تو جیب سے آدھار کارڈ برآمد ہوا جس سے اس کی پہچان کی گٸ۔ مقتول موہنیاں کے ہی سرائے گاٶں کا باشندہ بتایا گیا ہے۔
اس کے بارے میں ایس ڈی پی او موہنیاں رگھوناتھ سنگھ نے بتایا کہ موقع پر سے شراب کی بوتل بھی برآمد کی گئی ہے۔ ابتدائی تحقیقات کے مطابق چند افراد نے شراب کے نشے میں یہ واردات انجام دی۔
