ضلع مظفر پور سے تعلق رکھنے والے سرجن ڈاکٹر سیلیش پرساد سنگھ نے بتایا کہ اس بیماری سے متاثر ایس کے ایم سی ایچ میں داخل 68 بچوں میں سے نو کی حالت نازک ہے جبکہ کیجریوال اسپتال میں نو میں سے پانچ بچوں کی حالت نازک بتائی گئی ہے۔
انہوں نے کہا کہ ان دنوں اسپتال میں مختلف اضلاع سے آئے بچوں کا علاج چل رہا ہے اور وہ بچوں کو بچانے کے لیے ہر ممکن کوشش کر رہے ہیں۔
سنگھ نے بتا یا کہ اس بیماری کے تئیں لوگوں کو بیدار کرنے کے لیے دیہی علاقوں میں مہم جاری ہے، لوگوں کو گھر گھر جا کر احتیاط برتنے کے لیے ہدایات فراہم کی جارہی ہیں۔
واضح رہے کہ سنہ 2016 میں گورکھپور کے بی آر ڈی میڈیکل کالج اینڈ ہاسپیٹل میں اس بیماری کی وجہ سے 125 بچوں کی موت ہو گئی تھی۔
