'وزیراعلی روزگار قرض منصوبہ' کے تحت ایک لاکھ سے پانچ لاکھ روپے تک کی رقم اقلیتی طبقے کے بے روزگاروں کو روزگار کے لئے دستیاب کرائی جاتی ہے۔
ضلع گیا کے اقلیتی فلاح دفتر میں درخواست آنی شروع ہو گئی ہے۔ سال 2019 ۔ 2020 کے لئے قرض تقسیم ہوں گے۔ اس کی واپسی کی مدت پانچ برس تک ہوگی۔ آسان شرائط پر ریاستی حکومت قرض کی رقم دستیاب کرا رہی ہے جس میں پانچ برسوں میں صرف پانچ فیصد سود کی رقم وصولی جائے گی۔
اس منصوبے کے تحت مسلمان، عیسائی، سکھ، جین، پارسی وغیرہ کو فائدہ ملے گا۔ اس روزگار لون لینے کے خواہشمند 31 دسمبر تک ضلع اقلیتی فلاح دفتر میں درخواست جمع کرا سکتے ہیں۔ درخواست دہندگان کا انتخاب ریاستی حکومت کے ذریعہ تشکیل ضلع سطحی چین سمیتی کرے گی۔ وزیراعلی اقلیتی روزگار قرض منصوبہ کا مقصد بے روز اقلیتوں کو روزگار دستیاب کرانا ہے۔
ہر برس ضلع بھر میں قریب دو کروڈ سے زائد رقم تقسیم ہوتی ہے۔ درخواست دینے کے سات، آٹھ مہینوں بعد پیسے درخواست دہندگان کے کھاتے میں پہنچتے ہیں۔ اس منصوبے کے تحت اب تک ضلع گیا سے ہزاروں افراد قرض لے چکے ہیں اور اس کا فائدہ اٹھا چکے ہیں۔
ضلع گیا اقلیتی فلاح افسر جتیندر کمار کہتے ہیں حکومت اقلیتوں کو روزگار دستیاب کرانے کے لئے کوشاں ہے۔ وزیر اعلی اقلیتی روزگار منصوبہ کے لئے فارم لینے کی آخری تاریخ 31 دسمبر ہے۔
