گیا: بہار کے گیا ضلع میں پولیس نے ایک پرائیویٹ فینانس کمپنی کے ملازم سے لوٹ معاملے میں پانچ بدمعاشوں کو گرفتار کیا ہے۔ سینئر سپرنٹنڈنٹ آف پولیس آشیش بھارتی نے جمعہ کو یہاں بتایا کہ 11 مئی کو ضلع کے روشن گنج تھانہ علاقہ باشندہ سدھارتھ کمار کے ساتھ گروا تھانے کے منڈا پہاڑی کے قریب لوٹ پاٹ کا واقعہ پیش آیا تھا۔ چار موٹر سائیکلوں پر سوار آٹھ بدمعاشوں نے سدھارتھ کمار سے 1 لاکھ 26 ہزار 530 روپے لوٹ لیے۔ سدھارتھ کمار ایک پرائیویٹ فینانس کمپنی کے اورنگ آباد ضلع کی مدن پور برانچ میں کام کرتے ہیں۔ جب وہ کمپنی کی رقم کلیکشن کرنے کے بعد واپس لوٹ رہے تھے تو بدمعاشوں نے انہیں زدو کوب کر کے بیگ میں رکھی رقم لوٹ لی۔ بھارتی نے بتایا کہ گروا تھانہ علاقے سے پانچ بدمعاشوں کو گرفتار کیا گیا ہے اور لوٹ کے 12 ہزار روپے برآمد کیے گئے ہیں، ساتھ ہی تین موٹر سائیکلیں بھی ضبط کی گئی ہیں۔
یہ بھی پڑھیں: Robbery Case in Gonda گونڈہ میں کرانہ کاروباری سے لوٹ پاٹ کرنے والے چار بدمعاش گرفتار
گرفتار لوگوں میں منیش کمار، محمد شمشیر، پرمود کمار عرف بنٹا، وکرم پاسوان اور مہیش شرما شامل ہیں، جن سے پوچھ گچھ کی جا رہی ہے۔ واضح رہے کہ مارچ 2023 میں اترپردیش کے ضلع گونڈہ کے دیہات کوتوالی علاقے میں کرانہ کاروباری لوٹ واردات کا کا انکشاف کرتے ہوئے پولیس نے چار ملزمین کو گرفتار کر کیا تھا۔ پولیس نے ان کے قبضے سے لوٹی گئی رقم، اسلحہ اور گاڑیوں کو برآمد کیا۔ ڈپٹی سپرنٹنڈنٹ آف پولیس لکشمی کانت گوتم نے بتایا کہ دیہات کوتوالی علاقے کے سالپور بازار میں کاروبار کر رہے کرانہ کاروباری چندر پرکاش پانڈے سے گذشتہ دس مارچ کو گونڈہ شہر خریداری کرکے واپس آتے وقت خمریا موڑ پر ٹیمپو روک کر بدمعاش ساڑھے چار لاکھ روپیوں سے بھرا بیگ اور تقریبا سولہ ہزار کے کوپن لوٹ کر فرار ہوگئے تھے۔
یو این آئی
