بھاگلپور زون کے ڈپٹی پولیس انسپکٹر جنرل سجیت کمار نے بتایا کہ متعدد تہواروں کے نزدیک آنے اور ممکنہ اسمبلی انتخاب کے مدنظر اس علاقہ کے بھاگلپور، بانکا اور نوگچھیا پولیس اضلاع میں سرگرم بدمعاشوں کے خلاف کاروائی شروع کر دی گئی ہے۔
انہوں نے بتایا کہ اس کاروائی کے پہلے مرحلہ میں تین اضلاع کے مختلف تھانوں میں کئی سنگین معاملوں میں ملوث بدمعاشوں پر سی سی اے۔تین کی تجویز لگانے کیلئے بھاگلپور میں 200، بانکا میں 88 اور نوگچھیا میں 45 بدمعاشوں کو نشان زد کیا گیا ہے۔
کمار نے بتایا کہ نشان زد کئے گئے سبھی بدمعاشوں کا نام سی سی اے۔ تین کی تجویز کیلئے پیش کرنے کی تیاری شروع کر دی گئی ہے اور اس کے لئے ان اضلاع کے سبھی سب ڈویژنل پولیس افسران کو ہدایت دی گئی ہے۔
انہوں نے بتایا کہ خاص کر آئندہ ماہ سے شروع ہونے والے تہواروں کے مد نظر سبھی تھانہ علاقوں میں مطلوبہ عناصر پر سخت نظر رکھنے اور پولیس گشتی بڑھانے کی ہدایت پولیس افسران کو دی گئی ہے۔
