بارہمولہ: شمالی کشمیر کے ضلع بارہمولہ کے رفیع آباد کے علاقے خوشی پورہ میں ایک 25 سالہ نوجوان نے اپنے گھر میں پھانسی لگا کر خودکشی کر لی۔ پولیس ذرائع کے مطابق بتایا جا رہا ہے کہ ایک نوجوان جو کہ خوشی پورہ پنزلہ کا رہائشی ہے اس نے اپنے گھر میں پنکھے سے خود کو لٹکا لیا اور اپنی زندگی کا خاتمہ کر لیا۔ خبروں کے مطابق گزشتہ چند مہینوں سے اس نوجوان کا اپنے بھائی کے ساتھ زمین کا تنازع چل رہا تھا اور یہ شخص ڈپریشن میں تھا اور اس کی وجہ سے اس نے خودکشی کر لی۔ اگر چہ مقامی لوگوں نے اسے فوری طور پر قریبی اسپتال پہنچایا لیکن وہاں پر ڈاکٹروں نے اسے مردہ قرار دے دیا۔
یہ بھی پڑھیں: Student Commits Suicide in Jammu طالب علم نے پھانسی لگاکر خودکشی کی
اس ضمن میں ایک پولیس افسر نے واقعے کی تصدیق کرتے ہوئے کہا کہ واقعے کا نوٹس لے لیا گیا ہے اور مزید تحقیقات شروع کر دی گئی ہے۔ واضح رہے کہ گذشتہ سال سے وادی کے مختلف اضلاع میں خودکوشی کے واقعات میں کافی اضافہ ہوا ہے اور سماج کے مختلف شعبوں سے وابسطہ افراد نے ان واقعات کی کافی مذمت کی ہے۔ واضح رہے گذشتہ ماہ جموں کے جانی پور میں بارہویں جماعت میں زیر تعلیم طالب علم نے پھانسی لگا کر خودکشی کرلی۔ متوفی کی شناخت شرون گھپتا ولد راجو ساکن جانی پورہ کے طور پر ہوئی۔
