اتراکھنڈ کی لڑکیوں نے گلمرگ میں جمعہ کے روز سے شروع ہونے والے کھیلو انڈیا سرمائی کھیلوں کے دوسرے مرحلے میں بہترین کھیل کا مظاہرہ کرتے ہوئے اس کی ماؤنٹین نیرنگ کے چیمپئن بننے کا اعزاز حاصل کیا ہے۔
میزبان جموں و کشمیر کی ٹیم کو دوسرا پائیدان حاصل ہوا جبکہ اتراکھنڈ کی ایک اور ٹیم تیسری پوزیشن پر رہی۔
دنیا کے مشہور سیاحتی مقام گلمرگ میں آج شام پہلی بار لڑکیوں کے لئے سکی ماؤنٹین نیرنگ مقابلے کا انعقاد کیا گیا۔ اس میں میزبان جموں و کشمیر، اتراکھنڈ، لیہہ سمیت دیگر ریاستوں کی ٹیموں نے حصہ لیا۔ اتراکھنڈ کی لڑکیاں بہترین کارکردگی کے ساتھ مقابلے میں پہلے پائیدان پر رہیں۔
یہ بھی پڑھیں: کھیلو انڈیا پر کھلاڑیوں کا ردعمل
دریں اثنا، مردوں کا سنو شو مقابلہ بھی گلمرگ میں کھیلا گیا۔ جموں و کشمیر کے مجمل حسین میر 1500 میٹر ریس میں پہلے نمبر پر رہے جب کہ سہیل نثار شاہ دوسرا پائیدان حاصل کرنے میں کامیاب ہوئے اور لداخ کے حسین کو تیسرا پائیدان حاصل ہوا۔
