شمالی کشمیر کے قصبہ سوپور میں منگل کو ایک مقامی غیر سرکاری تنظیم نے تقریب کے دوران11 یتیم و غریب لڑکیوں کو شادی بیاہ کا سامان فراہم کیا۔
غیر سرکاری تنظیم کی جانب سے مستحق خواتین کی امداد
ای ڈی وی بھارت کے ساتھ بات کرتے ہوئے انصار النساء نامی ایک مقامی غیر سرکاری تنظیم کی ناظمہ ڈاکٹر مبینہ رمضان نے کہا کہ خواتین کی فلاح و بہبود، یتیم و مستحق لڑکیوں کی امداد، تعلیم و تدریس کے علاوہ نکاح میں انکی معاونت کے لیے انصار النساء پچھلے کئی برسوں سے سرگرم عمل ہے۔
سوپور میں منگل کے روز منعقدہ ایک تقریب کے اختتام کے بعد ذرائع ابلاغ کے نمائندوں سے بات کرتے ہوئے ڈاکٹر مبینہ نے کہا کہ اس سے قبل بھی انہوں نے یتیم و مستحق خواتین میں شادی بیاہ کا سامان تقسیم کیا ہے۔
انہوں نے تفصیلات فراہم کرتے ہوئے کہا کہ ’’رواں برس 60مستحق لڑکیوں کو شادی کے لیے سامان فراہم کیا گیا۔‘‘
